Alþjóðlegu Ólympíuleikarnir 2023
— Alþjóðlegu Ólympíuleikarnir, Keppnir
Keppnin IOI (International Olympiad in Informatics) 2023 var haldin 28. ágúst - 04. september 2023 í Szeged, Ungverjalandi.
Í ár tók Ísland þátt með fullu fjögurra manna liði í fyrsta sinn. Keppnisforritunarfélag Íslands hélt æfingar hverja helgi með keppendunum, en voru þær þó opnar öllum áhugasömum nemendum
Framhaldsskólanemarnir sem kepptu fyrir hönd Íslands voru:
- Benedikt Vilji Magnússon, MR
- Kirill Zolotuskiy, MR
- Kristinn Hrafn Daníelsson, Tækniskólinn
- Róbert Kristian Freysson, MR
Arnar Bjarni Arnarson, liðsstjóri, og Samúel Arnar Hafsteinsson, aðstoðarliðsstjóri, fylgdu nemendunum á keppnina.
Benedikt Vilji náði flestum stigum af íslensku keppendunum, 141 stig samtals, og fékk hann heiðurs ummæli, en var aðeins undir mörkunum fyrir brons medalíu.
Keppendum var boðið í dýragarð og að skoða bæinn Ópusztaszer þar sem mátti kynnast sögu Ungverjalands og sjá hæfileikaríka hestreiðamenn sem sýndu hvernig vopn voru notuð á hestbaki fyrr á tíð. Einnig fóru keppendur í skemmtigarð þar sem alls konar afþreyingar voru í boði eins og klifur, laser tag, trampólín og fleira!
Hlekkir: